ဆူး
လွင်ပြမှုန်မိုင်းနေတဲ့ ကောင်းကင်ကြီးရယ်
အထီးကျန်နေတဲ့ ဒီရင်ခွင်ကြီးအတွက်
နေရာတစ်နေရာလေး ပေးပါလား ။
စူးရှကွဲအက်နေတဲ့ ဒီရင်ခွင်အတွက်
ဆေးတစ်ခွက် ဘယ်လိုဖော်စပ်ရမှာလဲ
ရောဂါကျွမ်းလွန်းနေလို့ ဆေးမရှိတော့တာလား ။
ဘ၀ဟာအဲ့ဒါလား ဘ၀ဟာဒါလား
မေးခွန်းတွေပြည့်နေတယ်
နားလည်အောင် သင်ပေးပါလား ။
လမ်းပျောက်နေတဲ့ လူအတွက်
လမ်းစလေး တစ်စတော့
ဖွင့်ပေးပါလား ။
နွေးထွေးမှု လိုချင်တဲ့လူအတွက်
ရင်ခွင်လေး တစ်ခုတော့
ပိုင်ဆိုင်မှုလေး ရနိ်ုင်မလား ။
ရွေးချယ်ခွင့်ရှိတယ်လို့ လူတွေကပြောကြတယ်
သေချာလားလို့ ပြန်မေးကြည့်ချင်တယ်
အဖြေရှိပါ့မလား ။
ဘ၀ကိုဘယ်လိုမြင်ကြည့်ရင် ကောင်းမလဲ
နေကာမျက်မှန်နဲ့ ဆိုရင်ရော
ကမ္ဘာကြီးကိုဘောင်ခတ်ပြီး ကြည့်တယ်လို့ ပြောဦးမှာလား ။
နားလည်မှုရဲ့ နားလည်မှုက
နားလည်ခြင်းပဲလား နားလည်ခြင်းရဲ့
နားလည်မှုကရော ။
ဆူးခင်းလမ်းကို လူတိုင်းလျှောက်ရတာလား
ပန်းခင်းလမ်းက ဘယ်မှာလဲ
လမ်းဆုံးမှ ရောက်မှာလား ။
ပင်ပန်းနေသူအတွက် အမောပြေ
ရေလေးတစ်စက်
ချပေးပါလား ချစ်သူရယ် ။
နှင်းဆီမြို့တော်က ချစ်နတ်သမီး Eros ရေ
ပြုစားခံရတဲ့ ကျိန်စာပြေအောင်
ဖြေပေးပါလားကွယ် ။
အနက်ရောင်နှင်းဆီ
0 comments:
Post a Comment